Анар Мұхаметжанова: жастар алдында көптеген мүмкіндіктер ашылуда!

Тәуелсіз Қазақстанмен қатар туған Анар Мұхамеджанова – қазіргі жас ұрпақтың табысты өкілдерінің бірі. Қыз елдің әлемдік аренадағы позициясын нығайтуға тек еңбекқор және прогрессивті жастардың бірлескен күш-жігерімен қол жеткізуге болатынына сенімді.

Тәуелсіз Қазақстан сияқты мақсаткер Анар мектеп қабырғасынан бастап белсенді болған. Мамандығын таңдауға келгенде, ұзақ ойланудың қажеті болмағанын еске алады.

«Мектепте мен химия сабағын өте жақсы көретінмін. Бұл мен үшін ең қызықты пән болатын. ҚазҰТУ-дың (Қ.И. Сәтпаев ат.) «Бейорганикалық заттардың химиялық технологиясы» мамандығы бойынша бакалаврды үздік бітіруші ретінде тәмамдадым. Магистратурада оқып жүргенде Испаниядағы техникалық университетте тағылымдамадан өттім».

Табиғаттану ғылымдарының маңызды әрі ауқымды саласына деген қызығушылығының арқасында Анар оқу орнындағы ең үздік 20 түлектің қатарына енді.

Бүгінгі таңда біздің кейіпкеріміз – жар және екі бала анасы. ҚазҰУ-дың докторантурасында білімін жалғастырып, Алматы қаласындағы ҚР Минералдық шикізатты кешенді қайта өңдеу ұлттық орталығында сирек металдар зертханасының кіші ғылыми қызметкері болып жұмыс істейді. Жас химик сүйікті ісімен айналысудың өте маңызды екеніне сенеді.

«Біздің орталық тау-кен-металлургиялық циклдің барлық сатыларында жүйелі шешімдер ұсынуға бағытталған: руда өндіруден бастап, байыту, қайта өңдеу және тауарлық өнім алу. Мен ғылыми-зерттеу лабораториясында жұмыс істеймін. Біз рудаларды (соның ішінде сапасы төмен, қиын өңделетін), әртүрлі кен орындарын қайта өңдеуге арналған жаңа технологияларды жасаумен айналысамыз. Зерттеу жұмысы маған өте ұнайды. Өзіңнің ғылыми қызметіңнің, әсіресе өз Отан ғылымына маңызды екенін түсіну өте маңызды».

Үй шаруасы мен жұмысты үйлестіру қиын ба? Анар кейде қиын екенін, бірақ оны жеңетінін айтады. Күнделікті шулы қала өмірінен демалу үшін жас ана тауға шығады.

«Бос уақытымда біз күйеуіммен тауға шығуды жақсы көреміз. Алматыда тұрып, біздің тауларға ғашық болмау мүмкін емес. Сол жерде өзімді толық еркін сезінемін. Олар мені моральдық және физикалық жағынан шынықтырады».

Оның ойынша, бүгінгі тәуелсіздік жас ұрпақ – Қазақстанның заманауи бейнесі, және жаңа буын динамикалық әрі тұрақты болашақ құру үшін барлық қажетті дағдылармен қарулануы тиіс.

«Тәуелсіздік республикамыздың ғылыми-техникалық әлеуетін терең дамытуға мүмкіндік берді. Бүгінде біз дамуды тоқтатпаймыз – Қазақстанның технологиялық серпілісін қамтамасыз етеміз. Қазіргі уақытта жастардың алдында көптеген мүмкіндіктер ашылды. Оларды дұрыс бағытқа бағыттап, білімдерін кеңейту қажет».

Автор: Аида Елемесова

Дереккөз: ruh.kz