Springer Nature Awards нұсқасы бойынша Қазақстанның үздік ғалымдарының есімдері аталды

Алматыда Springer Nature Awards сыйлығын табыстау салтанаты өтті. Бұл марапатқа Қазақстан мен Орталық Азия елдерінің ең көп жарияланған авторлары мен ұйымдары ие болды.

Қазақстан мен Орталық Азия елдерінің ғылым өкілдерін Springer Nature баспасының президенті Аздаа Котани құттықтады. Ол салтанаттың ғалымдарға өз тәжірибесін бөлісуге, жетістіктерін көрсетуге және еңбектерінің маңыздылығы үшін мойындалуға мүмкіндік беретінін атап өтті.

«Қазақстан осы рәсімге Орталық Азия елдерінің ғалымдарын үшінші жыл қатарынан жинауда және қазіргі уақытта бұл өңірде ғылыми жарияланымдар мен зерттеулер бойынша сөзсіз көшбасшы болып отыр. Сонымен қатар, біз қазақстандық ғалымдардың шетелдік беделді журналдарда ғылыми зерттеулер мен жарияланымдардың сапасын арттыру, тренингтер мен мастер-класстар өткізу бойынша жүйелі жұмыс жүргізудеміз. Осы уақыт аралығында 290-тан астам іссапар семинары өткізілді, 7 000-нан астам адам оқытылып, біліктілігі арттырылды. Қазақстандық авторлар Springer Nature баспасынан жариялағандары: 2011 жылы – 169 жарияланым, 2012 жылы – 225, 2013 жылы – 277, 2014 жылы – 395, 2015 жылы – 388, 2016 жылы – 397. Ал 2017 жылдың қаңтар-қыркүйек айлары аралығында қазақстандық ғалымдар 357 жарияланым жасады», – деді Springer Nature вице-президенті Аздаа Котани.

Springer Nature сыйлығының «Қазақстанның ең көп жарияланған ұйымдары» номинациясының лауреаттары: КазҰУ им. әл-Фараби, ЕҰУ им. Л. Н. Гумилева, ҚарМУ им. Е. А. Бөкетова, Назарбаев Университеті, Ядролық физика институты, ҚазҰТУ им. К. И. Сәтпаева, Қазақстан Ұлттық ғылым академиясы, Органикалық синтез және көмірхимия институты, ҚарМТУ, Химико-металлургиялық институт им. Ж. Абишева.

Қазақстан Ұлттық ғылым академиясының Президенті Мұрат Журиновтың еңбегі Springer Nature баспасы тарапынан жоғары бағаланып, ол Қазақстан ғылымының дамуына қосқан елеулі үлесі үшін дипломмен марапатталды.

«Қазақстанның ең көп жарияланған ғалымдары – жаратылыстану ғылымдары саласында»: физика-математика ғылымдарының кандидаты, ядролық физика, жаңа материалдар және технология кафедрасының доценті, инженерлік бағыттағы зертхана меңгерушісі ЕҰУ им. Л. Н. Гумилева Максим Здоровец, химия ғылымдарының докторы, доцент, Химико-металлургиялық институт им. Ж. Абишевінің бас ғылыми қызметкері Шуғa Касенова, химия ғылымдарының кандидаты, қосымша профессор, Химико-металлургиялық институт им. Ж. Абишевінің бас ғылыми қызметкері Женисгүл Сағынтаева, химия ғылымдарының кандидаты, профессор, Көкшетау мемлекеттік университеті Ш. Уалиханов атындағы ЯМР-спектроскопия зертханасының меңгерушісі Төлеген Сейлханов, физика-математика ғылымдарының докторы, профессор, Ядролық физика институтының бас директор орынбасары Бүртебаев Насұрла, Қазақстан Республикасының Органикалық синтез және көмірхимия институтының ғылыми қызметкері Сатпаева Жанаркүл Болсынбековна, химия ғылымдарының докторы, профессор, ҚарМУ им. Е.А. Бөкетова химиялық факультетінің химиялық технология және мұнай химиясы кафедрасының меңгерушісі Мұрзабек Байкенов, физика-математика ғылымдарының докторы, профессор, ҚарМУ им. академик Е. А. Бөкетова физика және нанотехнология кафедрасының профессоры Ниязбек Ібраев, Артем Козловский, Алдашев С.А., Астанадағы Ядролық физика институты филиалының инженері Дмитрий Шлимас, химия ғылымдарының докторы, профессор, ҚазҰУ им. әл-Фараби физикалық химия, катализ және мұнай химиясы кафедрасының профессоры Жақсынтай Қаирбеков.

Springer Nature Awards Қазақстанда үшінші жыл қатарынан өткізіліп, Ұлттық ғылыми-техникалық сараптама орталығы мен халықаралық Springer Nature баспасының ұйымдастыруымен өтеді.

Шығанағы: tengrinews.kz