14 қазан 2020 жылы Шымкент қаласында ғылыми зерттеулерді жүргізу және ғылыми қызметті коммерциализациялау саласында серіктестік қарым-қатынастарды орнату мақсатында Қазақстан Республикасының Минералдық шикізатты кешенді қайта өңдеу жөніндегі ұлттық орталығы» РМК өкілдерінің еліміздегі ең үлкен жоғарғы оқу орындарының бірі болып саналатын -М.Әуезов атындағы Оңтүстік Қазақстан университеті басшылығы және ғалымдарымен кездесуі болып өтті.
Кездесу шеңберінде өзара ынтымақтастық туралы келісім шарт бекітілді. Бұл құжатқа М.Әуезов атындағы Оңтүстік Қазақстан университеті атынан – ректор, тарих ғылымдарының докторы, профессор, ҰҒА академигі Қожамжарова Дәрия Пернешқызы, Қазақстан Республикасының минералдық шикізатты қайта өңдеу жөніндегі Ұлттық орталығы атынан – бас директор, техника ғылымдарының докторы, профессор, ҚР Мемлекеттік сыйлығының екі мәрте лауреаты, академик Жәрменов Әбдрасул Алдашұлы қол қойды.
Келісім шарт мақсаты өзара қызығушылықты білдіретін салаларда ғылыми-зерттеу, сондай-ақ осы бағытта жоғарғы білікті кадрлар даярлау саласында бірлескен қызметін жүзеге асыру болып табылады.
Басқа жаңалықтар
Казахстан может заменить импортный карналлит — разработка ученых
Казахстанские ученые создают магниевое сырье
V Халықаралық экологиялық конгреске қатысу
