Алматыда Бас директор А.Қ. Нұрғалиевтің төрағалығымен «Қазақстан Республикасының минералдық шикізатты кешенді қайта өңдеу жөніндегі ұлттық орталығы» РМК (бұдан әрі – ҚР МШКҚӨ ҰО) Ғылыми кеңесінің ағымдағы жылдағы алғашқы отырысы өтті.
Қорытындылар мен сабақтастық
Отырыс Ғылыми кеңес пен Жаратылыстану ғылымдары, шикізатты қайта өңдеу және металлургия жөніндегі ғылыми семинардың 2025 жылғы қызметін талдаудан басталды. ҚР МШКҚӨ ҰО ғылыми қызметтің жоғары көрсеткіштерін дәстүрлі түрде сақтап отырғаны атап өтілді. 2026 жылға бекітілген жұмыс жоспарлары ұйымды ғылыми, ғылыми-ұйымдастырушылық және ғылыми-техникалық қызметтің түрлі бағыттары бойынша одан әрі дамытуға бағытталған.
Кадрлық әлеует және еңбекті тану
Ғылыми кеңес ғылыми кадрларды қолдау мәселесіне ерекше көңіл бөлді. Базалық қаржыландыру қаражаты есебінен еңбегіне ақы төленетін ҚР МШКҚӨ ҰО жетекші ғалымдарының құрамы бекітілді. Сондай-ақ, кәсіби мерекелерге (алдағы уақытта — Ғылым күні, Геологтар күні, Экологтар күні, Химиктер күні) орай түрлі дәрежедегі айрықша белгілермен марапаттауға ұсынылатын қызметкерлердің кандидатуралары анықталды.
Ғылымның ашықтығы және медиа-стратегия
Ғылыми жетістіктерді дәріптеу бағытын іске асыру аясында Ғылыми кеңес Жұртшылықпен байланыс және БАҚ-пен жұмыс бөлімі басшысының 2025 жылғы есебін тыңдады. Талқылау қорытындысы бойынша «ҚР МШКҚӨ ҰО» РМК-ның 2026 жылға арналған Медиа-жоспары бекітілді. Жаңа ақпараттық стратегия ҚР МШКҚӨ ҰО-ның медиа кеңістіктегі белсенділігін арттыруға және ғалымдардың ел өнеркәсібін дамытуға қосқан үлесін жария етуге бағытталған.
Ғылыми жарияланымдар және халықаралық стандарттар
Күн тәртібіндегі маңызды мәселелердің бірі жарияланымдық белсенділікті талқылау болды. Ғылыми кеңес мүшелері зерттеу нәтижелерін беделді ғылыми басылымдарда ұсынудың маңыздылығын атап өтіп, 2026 жылға арналған жарияланымдар жоспарын бекітті.
Ғылыми кеңес қабылдаған шешімдер ғылыми ізденісті, заманауи зерттеу әдістерін және ғылыми-техникалық қызмет нәтижелерін ілгерілетуді ұштастыра отырып, ҚР МШКҚӨ ҰО-ның 2026 жылғы тиімді жұмысының негізін қалайды.
Басқа жаңалықтар
Металлургиялық соны қадам: жанама өнімнен жаңа өнеркәсіптік технологиялық негізге серпіліс
Ғылымдағы әйелдер мен қыздардың халықаралық күніне арналады
ҚР МШКҚӨ ҰО-да ғылыми зерттеулердің тиімділігін арттыру және ҒЗТКЖ қаржыландырудың жаңа тетіктері талқыланды
ҚР МШКҚӨ ҰО-да 2026 жылға арналған ғылыми-ұйымдастыру қызметінің басымдықтары айқындалды
Тау-кен саласында цифрландыру мен жасанды интеллектті қолдану тұжырымдамасын әзірлеу мәселелері талқыланды
