Монография шығару

2011 жылдың ақпан айында «Геотехнологиялар, тау-кен жүйелері және недртану» бөлімі РМҚК «ҚР КПМС ҰҒЗО» тарапынан «Карьерлерді автоматтандырылған жобалау жүйесін әзірлеудің геоақпараттық нысанға бағытталған технологиялары» атты монография жарық көрді. Монография авторлары: Жарменов А.А., Турдахунов М.М., Букейханов Д.Г., Бекмурзаев Б.Ж., Съедин В.Ф.

Монографияда геоақпараттық технологиялардың, геоақпараттанудың, геоақпараттық жүйелердің негіздері баяндалады; тау-кен жұмыстарын геоақпараттық модельдеу дамуы қарастырылады; ашық тау-кен жұмыстарының негізгі объектілерінің – кен орындары мен карьерлердің – отандық және шетелдік ақпараттық жүйелері мен геоақпараттық модельдерінің сипаттамалары, сондай-ақ олардың модельдеу әдістері мен тәсілдері келтірілген. Қатты пайдалы қазбалар кен орындарының және карьердің геоақпараттық модельдерінің жіктемесі ұсынылған.

Нысанға бағытталған модельдеудің негіздері, күрделі дискретті жүйелерді жасау барысында математикалық және алгоритмдік модельдеуге қарағанда оның артықшылықтары баяндалады.

Авторлар әзірлеген тау-кен жұмыстарын автоматтандырылған жобалау жүйесінің архитектурасы ұсынылған. Жүйенің негізгі құрылымдық объектілері, олардың интерфейстері мен мінез-құлқы, басқару ағымдарының негізгі бағыттары анықталған. Ашық тау-кен жұмыстары объектілерін нысанға бағытталған модельдеу процесі сипатталған.

Монография ғылыми қызметкерлерге, инженерлерге, пайдалы қазбалар кен орындарын игеру және олардың САПР жүйелерін әзірлеумен айналысатын бағдарламашыларға, сондай-ақ тау-кен және ақпараттық профильдегі жоғары оқу орындарының студенттеріне арналған.

Рецензенттер: Буктуков Н.С., т.ғ.д., профессор; Ахмедов Д.Ш., т.ғ.д.

Барлық сұрақтар бойынша монография авторларына e-mail арқылы хабарласуға болады: lpon_2008@mail.ru