Қазақстан Республикасының минералдық шикізатты кешенді өңдеу жөніндегі ұлттық орталығы ғалымдары мен «Қостанай минералдары» АҚ мамандарының авторлық ұжымдары академик Е. Бөкетов атындағы сыйлыққа ие болды

Жақында Қазақстан Республикасы Өнеркәсіп және құрылыс министрлігінің сайтында біздің ғалымдарымыздың, Қазақстан Республикасы минералдық шикізатты кешенді қайта өңдеу жөніндегі ұлттық орталық ғалымдарының екі инновациялық шешімі туралы ақпарат жарияланды. Бұл хризотил-асбест қалдықтары мен барит кендерін байыту қалдықтарын өңдеу технологиялары туралы болды. Екі әзірлеме де бұқаралық ақпарат құралдарында кеңінен талқыланды, көрнекті қазақстандық ғалым – академик Евней Бөкетов атындағы химия және металлургия саласындағы сыйлыққа ұсынылды, конкурстың жеңімпаздары атанды.

Роза Шаяхметова, техника ғылымдарының кандидаты, ҚР МШКҚӨ ҰО-ның сирек металдар зертханасының меңгерушісі жұмыс жетекшісі, Анар Мұхаметжанова, сирек металдар зертханасының аға ғылыми қызметкері; «Қостанай минералдары» АҚ техникалық бөлімінің байыту жөніндегі жетекші инженері Марат Иманбаевтар бар авторлар құрамы «Қостанай минералдары» АҚ хризотил-асбест қалдықтарын өңдеудің кешенді гидрометаллургиялық технологиясын әзірлеп, енгізді. Технология бишофит, карналлит және кремнийқұрамды өнімдерді алу үшін серпентинқұрамды шикізатты тұз қышқылымен шаймалауды қарастырады. Жұмыстың өзектілігі Қазақстан Республикасында карналлиттің өнеркәсіптік қорларының болмауына, отандық магний өндірісін өз шикізатымен қамтамасыз ету қажеттілігіне, сондай-ақ асбест өндірісінің көп тоннажды техногендік қалдықтарын өңдеуге тартуға байланысты туындаған. «Магний мен кремнийдің тауарлық қосылыстарын алу үшін хризотил-асбест техногендік шикізатын қайта өңдеу технологиясын әзірлеу» жұмысы үшін авторлар ұжымы 2025 жылғы академик Е. Бөкетов атындағы сыйлыққа ие болды.

«ҚР МШКҚӨ ҰО филиалы «Қазмеханобр» мемлекеттік өнеркәсіптік экология ғылыми-өндірістік бірлестігінің авторлық ұжымы құрамында Эра Ли, минералды шикізатты байыту және жартылай өнеркәсіптік сынақтар бөлімінің бастығы, жұмыс жетекшісі; Эльдар Бейсембаева директор; Алина Смайлова минералды шикізатты байыту және жартылай өнеркәсіптік сынақтар бөлімі бастығының орынбасары барит кендері мен оларды байытудың техногендік қалдықтарын қайта өңдеудің тиімділігін арттырудың ғылыми-техникалық міндетін шешті. Зерттеу барысында өнеркәсіптің заманауи талаптарына сәйкес келетін жоғары сапалы барит концентраттарын алуға мүмкіндік беретін флотациялық байытудың инновациялық технологиясы жасалды. «Жоғары сапалы барит концентраттарын ала отырып, барит кендерін флотациялық байытудың инновациялық технологиясын әзірлеу» жұмысы үшін авторлар ұжымына 2025 жылы академик Е. Бөкетов атындағы сыйлық берілді.

Жеңімпаздарды құттықтаймыз, оларға жаңа ғылыми жетістіктер, перспективалы жобаларды табысты іске асыруды және одан әрі кәсіби жеңістер тілейміз!

Анықтама

Академик Е. А. Бөкетов атындағы сыйлықты Қазақстан Республикасының Минералдық ресурстар академиясы 2004 жылдан бастап металлургия, байыту, химиялық технология және экономика, физикалық химия, ғылыми және инженерлік кадрларды даярлау саласындағы үздік ғылыми зерттеулер мен ірі инженерлік үлесі үшін беріп келеді.